Labari da Dumi-Duminsa

Mahmud Lalo

Produced by Mahmud Lalo

Fabrairu 14, 2016
An Mika Manyan Sojojin Najeriya Ga EFCC

Rundanonin sojin sama da na kasa sun mika wasu manyan sojoji zuwa ga hanun hukumar yaki da cin hanci da rashawa ta EFCC, a ci gaba da binciken da ake yi kan badakalar kudaden sayen makamai.
Fabrairu 14, 2016
Zamfara: Matsalar Satar Shanu Na Karuwa

Barayin shanu a wasu yankunan jihar Zamfara da ke arewa maso yammacin Najeriya na ci gaba da cin karensu ba babbaka.
Fabrairu 14, 2016
Ziyarar Kerry a Albania

Amurka ta tura wata tawaga a karkashin jagorancin Sakatare John Kerry zuwa Albania, da zimmar kara bunkasa huldar da ke tsakanin kasashen biyu.
Fabrairu 14, 2016
Afghanistan: Mutane 3,500 Suka Mutu a 2015 - MDD

Majalisar Dinkin Duniya, ta ce rikicin Afghanistan ya halaka mutane dubu 3,500 kadai, yayin da wasu dubu 7,500 suka jikkata.
Fabrairu 14, 2016
Turkiyya Ta Yi Luguan Wuta a Syria

Wasu masu fafutuka a kasar Syria sun ce dakarun Turkiyya sun yi lugudan wuta akan mayakan Kurdawa da ke arewaci na tsawon cikin kwanaki biyu a jere, bayan wani gargadi da suka yi na cewa za su dauki mataki idan har suka fuskancin wata barazana daga kan iyakar kasar.
Fabrairu 14, 2016
An Kammala Kwashe Wadanda Suka Jikkata a Girgizar Kasar Taiwan

Masu ayyukan ceto a Taiwan, sun ce sun kammala kwashe dukkanin mutanen da bala’in girgizar kasa ta rutsa da su.
Fabrairu 14, 2016
Ana Zaben Shugaban Kasa a Jamhuriyar Tsakiyar Afrika

Yan kasar Jamhuriyar Tsakiyar Afrika na can suna kada kuri’unsu domin zaben shugaban kasar da ake yi a zagaye na biyu, tsakanin wasu tsoffin firai ministocin kasar biyu, a wani yunkuri na neman ma kasar zaman lafiya mai dorewa, bayan shekaru biyu da aka kwashe ana rikici.
Fabrairu 13, 2016
Za Mu Yi Takarar ‘Yan Majalisu- Lumana

Jam’iyyar adawa ta Lumana Afrika a Jamhuriyar Nijar ta musanta rade-radin da ake na cewa ba za ta tsayar da dan takara majalisa ba a jihar Maradi.
Fabrairu 13, 2016
Ranar Radiyo Ta Duniya

Ranar 13 ga watan Fabrairu, rana ce da aka ware domin tunawa da irin rawar da kafar sadarwa ta radiyo ke takawa a al’amuran yau da kullum a duk fadin duniya.
Fabrairu 13, 2016
Dalilin Da Ya Sa Ba Za a Manta Da Murtala Ba

A Najeriya, a yau aka yi tarukan cika shekaru 40 cif-cif da kisan da aka yiwa tsohon shugaban kasar na mulkin soja, Gen. Murtala Ramat Muhammad a wani juyin mulki da bai yi nasara ba.
Fabrairu 13, 2016
Rwanda Za Ta Kwashe 'Yan gudun Hijrar Burundi

Gwamnatin Rwanda ta ce za ta kwashe ‘yan gudun hijrar da suka fito daga Burundi zuwa wasu kasashe, bayan zargin da wani jami’in diplomasiyyan Amurka ya yi cewa Rwanda ta na horar da ‘yan tawayen da ke adawa da gwamnatin Burundi.
Fabrairu 13, 2016
Ba a Zaman Dardar a Uganda- 'Yan sanda

‘Yan sanda kasar Uganda sun musanta rahotanni da wasu kafafan yada labarai ke bayarwa, na cewa zaman dar-dar din da ake yi a daidai wannan lokaci na yakin neman zaben shugaban kasar, ka iya yin tasiri akan zaben, wanda za a yi a ranar 18 ga watan Fabrairun.
Fabrairu 07, 2016
Sokoto: Gwamna Tambuwal Ya Angwance

Rahotanni daga jihar Sokoto da ke arewa maso yammacin Najeriya na cewa, gwamnan jihar Barrister Aminu Waziri Tambuwal ya yi amarya.
Fabrairu 07, 2016
Kano: An Tsige Kanin Ganduje Daga Saurata

Rahotanni daga Jihar Kano na cewa Majalisar masauratar Jihar ta warware rawanin hakimin Ganduje, Alhaji Sani Umar Ganduje.
Fabrairu 07, 2016
An Samu Bullar Cutar Lassa a Ogun

A karon farko san samu bayyanara cutar zazzabin Lassa ko kuma Lassa Fever a jihar Ogun da ke kudu maso yammcin Najeriya
Fabrairu 07, 2016
Taiwan: Ana Neman Wadanda Suka Tsira Bayan Girgizar Kasa

Dubban masu aikin ceto na can a kasar Taiwan suna kokarin kawar da gine-gine da suka rufe mutane bayan wata girgizar kasa da ta abkawa birnin Tainan a jiya Asabar, domin ganin ko za a samu wadanda suka tsira da ransu.
Fabrairu 07, 2016
An Yi Muhawarar 'Yan Republican a New Hamphsire

‘Yan takarar neman shugabancin Amurka a karkashin Jam’iyar Republican sun tafka muhawara a New Hampshire, wacce ta fi maida hankali kan harkokin kasashen waje, inda suka yi ta sukar junansu a daren jiya Asabar.
Fabrairu 07, 2016
An Ga Hotunan Mutumin Da Ya Haddasa Fashewar Jirgin Somaliya

Hukumomin kasar Somalia sun ce na’urar daukan hoton da aka dasa a filin tashin jirage, ta nuna hotonon bidiyon wasu mutane biyu suna mika wa fasinjannan da ya mutu, wata na’urar computer ta tafi da gidanka, gabanin wata fashewa da aka samu a lokacin jirgin na cikin tafiya a ranar Talatar da ta gabata.
Fabrairu 06, 2016
New Hampshire: 'Yan Republican Za Su Yi Muhawara

Yayin da ya rage kasa da kwanaki uku a tunkari zaben fidda gwani a New Hampshire, ‘yan takarar neman shugabancin Amurka a karkashin Jam’iyyar Republican su bakwai za su sake wata muhawara a daren yau Asabar.
Fabrairu 06, 2016
Ra’ayoyin Wasu ‘Yan Nijar Game Da Zaben Kasar

A ranar 21 ga wannan wata na Fabrairu ne z a gudanar da zabukan gama gari a Jahuriyar Nijar, inda shugaba mai ci Muhammadu Isufu zai fafata da ‘yan takara 14.

XS

SM

MD

LG