Abinda ya dauke hankalin al’umma a duk fadin duniya shine annobar Coronavirus da ta kama miliyoyin mutane, ta kuma tauye rayuwar kowanne bil’adama ta yau da kullum, a duk inda yake a duniya.
Sai dai duk da irin fadakarwa da ake yi kan wannan cuta, har yanzu mutane da dama suna tababa a kan batun, abinda ya zama da hatsarin gaske da kuma barazana ga ci gaban iyali.
Ta haka shirin Domin Iyali ya gayyaci kwararariyar likitar Mata, Dr. Mairo Mandara kwararrar likitan mata, domin yin Karin haske da kuma fadakar da al’umma kan wannan annoba.
