washington dc —
Gwamnatin jihar Legas ta tura jami’an rundunar ‘yan sandan karta kwana (RRS) kan tituna gabanin zanga-zangar gama garin da ake shirin gudanarwa a ranar 1 ga watan Agusta a kan yunwa da tsadar rayuwa.
A safiyar yau Laraba an wayi gari da ganin dimbin jami’an ‘yan sanda akan titunan jihar, yayin da suke gudanar da atisayen sintiri.
An soma aikin sintirin ne daga unguwar Alausa ta yankin Ikeja zuwa Tollgate dake Ojota zuwa yankunan Ogudu da Oworo ya zarce zuwa yankin gadar 3rd mainland.
An hangi wasu jami’an ‘yan sandan suna maci a kan titunan Lekki har zuwa yankin da shingen karbar harajin ababen hawa na Lekkin yake.
Dandalin Mu Tattauna